Ururka Al-shabaab ayaa sheegtay inay dileen Xaaji Maxamed Maxamuud Siyaad oo ka tirsanaa baarlamaanka Hirshabelle kadib markii ay koox hubeysan ay saaka kala degeen gaari uu la socday oo ku sii jeeday magaalada Muqdisho.
Warbaahinta taageerta Al-Shabaab ayaa sheegtay in weerar gaadmo ah ay dagaalamayaal ka tirsan Al-shabaab saaka ku qaadeen gaari marayay meel u dhexeysa magaaloyinka Jowhar iyo Balcad ayna kala degeen gaari uu saarnaa xildhibaan Maxamed Maxamuud Siyaad.
Gaariga lagala degey xildhibaanka ayaa ka tegey saaka magaalada Jowhar isagoo ku sii jeeday magaalada Muqdisho,waxayna dableyda wadada u gashay gaariga ay fasaxeen dhammaan dadkii kale ee saarnaa gaarigaas oo noociisu ahaa Noah.
