Ciidamo ka tirsan booliiska Soomaaliya iyo koox Burcad ah ayaa xalay waxaa ay ku dagaalameen Xaafada Gubta Degmada Deyniile ee gobolka Banaadir.
Dagaalka ayaa la sheegay inuu ka dhashay khasaaro isugu jira dhimasho iyo dhaawac.
Goobjoogayaal ayaa warbaahinta u sheegay in burcad hubeysan ay dhac ka geysanayeen degmada Deyniile, islamarkaana dadka deegaanka ay durbadiiba la hadleen ciidamada booliska, iyadoona kadib halkaasi ay soo gaareen ciidamada, kadibna uu goobta dagaal ku dhex maro ciidamada booliska iyo kooxda burcada ah.
