Mas’uulin ka tirsan maamulka Puntland ayaa maanta oo soo dhaweeyay taliye Guray Cismaan Saalax iyo dhamaan Ciidinkiisa oo saaka ka soo wareegay Somaliland, islamarkaana ahaa Taliyihii aaga Badhan ee Somaliland, dhamaan Ciidankiisii iyo agabkoodii dagaalka.
“War kasoo baxay Puntland ayaa lagu sheegay in Xukuumadda Madaxweyne Deni oo ku Guulaystay in Cutubyadii Ciidan ee Ku sugnaa Gobolla Sanaag ee ka amar qaadan jiray Somaliland ay lawada wareegto.
Talabaadan waxay kamid noqon isbedelka Weynaa ee ku dhacay Gobolka Sanaag Inta uu xilka qabtay Madaxweyne Deni, waxayna yareysay saameyntii Maamulka somaliland ku lahaa gobolka.” Ayaa lagu yidhi Warbixinta.
Puntland iyo Somaliland waxaa u dhexeeya Loolan ku aadan Gacan ku haynta gobolka Sanaag, waxaana dhowaan lagu Weeraray Deegaanka Hadaftimo Gudoomiye Cusub oo Somaliland usoo magacowday Badhan, Kadib markii Gudoomiyihii Hore iyo saaraakiil Ciidan ay ku biireen Puntland taasi oo keentay inay Wiiqanto Saamayntii Somaliland ku lahayd deegaanka.
