Hadal-qoraal oo ka soo baxay Xafiiska Ra’isul-wasaaraha dalka Ethiopia, Abiy Ahmed ayaa lagu sheegay inuu Ra’isul-wasaaruhu shalay kulan la yeeshay Madaxweynaha Maamulka Somalia, Muuse Biixi Cabdi iyo Wafdi uu hoggaaminayey oo shalay booqasho ku tegay magaalladda Addis Abeba.
Qoraalka waxaa lagu sheegay inay Labada dhinac ka wada xaajoodeen, iskuna af-garteen dhowr qoddob oo muhiim ah oo ay ka mid yihiin Xoojinta xiriirka dadka u dhashay Ethiopia iyo Somaliland, hubinta Ammaanka dadka Ethiopianka ee ku sugan gudaha Somaliland iyo inay ka wada shaqeeyaan Arrimaha Dhaqaalaha, Dekedaha, Ammaanka iyo Nabadda.
Dhinaca kale, Madaxweynaha Maamulka Somaliland, Muuse Biixi Cabdi waxa uu aqbalay Talooyin uga yimid dhinaca Ra’isul-wasaaraha Ethiopia oo ku aadan Isdhexgalka dadka ee Gobalka iyo in Maamulka Somaliland sii xoojiyo inay si dhow ula shaqeeyaan DFS.
Dhinaca kale, Qoraal la so dhigay Barta Twitter-ka ee Madaxtooyadda Somalia waxaa lagu soo dhaweeyey Heshiiska uu Madaxweynaha Maamulka Somaliland, Muuse Biixi ku oggolaaday inuu iskaashi dhow iyo wada-shaqayn la yeeshaan DFS iyo Fikradda ah inay dadka Gobalka is-dhex galaan.
