Qoraal ka soo baxay Urur-gobaleedka IGAD ayaa lagu muujiyey sida ay u danaynayaan inay taageero uga geystaan Doorashadda socota ee Maamul-gobaleedyadda ee Somalia, taasi oo horseedi karta Doorashadda Hal Qof iyo Hal Cod ee Somalia ka dhici doonta sannadka 2020-ka.
IGAD waxay sheegtay inay si dhow ula socdaan Horumaradda ka socda Jamhuuriyadda Federalka Somalia, isla markaana ay si diiran u soo dhaweynayaan sida ay DFS uga go’an tahay inay Doorasho Xor iyo Xaq ah dhacdo sannadka 2020-ka, si loo hubiyo Ajendaha Isbedelka ee Federaalisimka, iyadoo loo marayo Tubta Siyaasadda ee Somalia (The Political Roadmap of Somalia).
Qoraalka IGAD waxaa kaloo lagu xusay inay dhiiri-gelinayaan dadaalka loogu jiro Dimuqraadiyeynta Somalia si loo mideeyo Dowlad-wanaagga iyo Ka-qeybgalka ballaaran ee Muwaadiniinta si ay uga shaqeeyaan Dimuqraadiyadooda iyo Xuquuqaha Muwaadinimo.
IGAD waxay hoosta ka xariiqday inay sii wadi doonaan Ballanqaadkooda ku aadan Taageeradda DFS iyo Dadka Somalia ee xilligan Adag iyo soo-celinta Nabadda iyo Deganaanshaha Somalia.
Dhinaca kale, Qoraalka ka soo baxay Urur-gobaleedka IGAD waxaa lagu xusyainay DFS ka taageeri doonaansidii loo dedejin lahaa Go’aanka Siyaasadeed ee samaynaya horumar lama huraan u ah dhismaha Heshiis iyo Midnimo Qaran.
