Mareykanka ayaa dhowr boqol oo ciidamo marinis ah u diray Suuriya si ay u caawiyaan maleeshiyaad deegaanka oo duullaan ku ah Raqa.
Magaalada oo ay daacish maamusho ayaa la filayaa in dhinacyo kala duwan looga duulo.
Ciidamada Mareykanka ayaa la sheegay in maalmihii la soo dhaafay ay halkaasi gaareen.
Waxay sameysanayaan meelo ay ku rakibtaan madaafiic ay doonayaan inay ku duqeeyaan fariisimaha ururka la baxay Khilaafada Islaamka.
Ciidamada gaarka ah ee Mareykanka ayaa sidoo kale halkaasi ku sugan, waxayna talo siinayaan maleeshiyada Kurdiyiinta ee SDF.
Maalmihii la soo dhaafay, waxaa sidoo kale dhanka galbeed ee Raqa gaaray ciidamada ranjeriska Mareykanka oo garabsiinaya maleeshiyaadka SDF ee Kurdiyiinta.
Dagaalka waxaa sidoo kale ka qeybgalaya maleeshiyaadka taageerada ka helaya Turkiga.
