Kulan Balaaran oo ay isgu yimaadeen Waxgarad, Salaadiin, Nabadoono, Culima’udiin, Siyaasiyiin , Haween iyo Dhalinyaro iyo Marti Sharaf oo ka tirsan Beesha Galmaax Yoonis ee Wacbuudhan Abgaal ayaa looga hadley xubinta aqalka sare ay beesha ku leedahey xubnaha ka imaanayo gobalka Shabeelada Dhexe, kulankaasi oo ka dhacay Magaaladda Muqdisho
Ugu horeyn Kulanka ayaa waxaa ka Hadley qaar ka mid ah Salaadiinta iyo Waxgaradka Beesha Galmaax Yoonis ayaa waxay sheegeen in Beeshu oo degaan balaaran ku leh gobalka ay xaq u leedahay in ay Hesho Xubinimada Aqalka Sare ee Baarlamaanka Federaalka Soomaaliya waxay intaa sii raaciyeen
“Markaan Xisaabtaney isla markaasna fiiriney nidaamka wax qaybsiga qabiilada beesha waxey xaq iyo xalba u leedahey Xubinta Sare ee Aqalka Sare waxaana u soo jeedineynaa Madaxda Sare ee Dowladda, Guddiga Doorashooyinka Dadban Ummadda Soomaaliyeed iyo Beesha Caalamka in Beesha Galmaax ee Mudulood ay Xubintaasi ay leedahay Cidna aysan uga Tanaasuleyn”
Xubnhii kale ee Kulnkaasi ka Hadley ayaa waxay sheegeen in Muddo dheer ay Beesha Kulamo yeelaneysey isla markaan ay ka Falanqeyneysey Sidii ay u heli lahayd Xubintaasi oo ay sheegeen in ay Beesha Xaq u leedahay sidoo kale Waxay hoosta ka Xariiqeen In Beesha ay Diyaarisey Xubinta u Mateli lahayd Aqalka Sare ee Baarlmaanka 2016.
Malaaq Cali Malaaq Showri oo Kulankaasi ka Hadley ayaa yiri “Madaxda Qaranka , Kuwa Federaalka , kuwa Gobolka iyo kuwa loo Xil saarey Maamulka Doorashada Dadban waxaan ugu baaqaynaa in Miiska la soo saaro Xubinta Aqalka Sare ee ay Beesha Xaqa u leedahay maadaama wax lagu qaybsanayo hab Beeleed
Ugu dambeyn Kulankaasi ayaa waxaa laga soo saarey Go;aano ku aadan Helitaanka Xubinta Aqalka Sare ee Baarlamaanka Federaalka oo ay Caddeysey in Beesha Galmaax Yoonis ay Xaq u leedahay xubintaasi, waxayna isku raaceen in Beesha soo Gudbiso sida ugu dhaqsiyaha Badan Qofkii u mateli lahaa Xubintii Aqalka Sare u Mateli lahayd waxayna ugu baaqeen Guddiga farsamo ee Doorashooyinka Dadban ee 2016 in Baaqooda ay Tixgeliyaan
