Puntland ayaa amar ku bixisay in baaritaan dheeraad ah lagu sameeyo dhamaan Gaadiidka Rakaabka qaada ee isaga kala gudbaya deegaanada Puntland.
Wareegto ka soo baxday Madaxweyne ku xigeenka Puntland, C/xakiim C/llaahi Xaaji Cumar (Camay) ayaa lagu amray in Gaadiidkaasi aad loo baaro.
Baarista ayaa la sheegay in lagu xaqiijinayo nabadgelyada, waxaana la tilmaamay in lagu ilaalin doono sharafta muwaadiniinta iyo shuruucda baarista amniga.
Laamaha amaanka ayaa la sheegay iney diwaangelin doonaan magaca rakaabka, wadaha gaadiidka, nambarka gaariga meesha uu ka yimid iyo meesha uu u socdo.
Wareegtada ayaa waxaa Warbaahinta u akhriyay Afhayeenka Madaxtooyadda Dowladda Puntland C/llaahi Quraanjecel.
HALKAAN KA DHAGEYSO