Waxaa degan xaalada magaalada Marko ee gobolka Sh/hoose oo maalin ka hor ay la waregeen xoogag taabacsan Al-shabaab ka dib markii ay halkaas isaga tageen ciidamadii dowlada ee ku sugnaa.
Sawiro laga soo qaaday magaalada ayaa lagu arkayey shacab caruur u badan oo daba ordaya xoogaga Al-shabaab ee halkaas la wareegay.
Goobaha muhiimka ah ee bartamaha magaalada Marko iyo xarumihii maamulka ayaa waxaa gaaf wareegaya xoogaga Al-shabaab.
Ganacsiga iyo isku socodka dadka iyo gaadiidka ayaa caadi u shaqeynaya, inkastoo dadku ay ka baqayaan in ciidamada dowlada ay mar kalesoo rogaal celiyaan laguna dagaalamo dushooda sida marar badan horeyba u dhacday.