Hay’adda waddooyinka dawladda Puntland ee PHA-NESHA ayaa soo gabagabaysay sahankii ugu dambeeyay ee laamiga isku xira magaalooyinka Garoowe iyo Gaalkacyo kaas oo dhawaan Hay’adda iyo Midowga Yurub ay bilaabi doonaan mashruuca dib u laamiyeynta iyo dayactirka Laamiga.
Hay’adda ayaa sahankaan u adeegsatay Kaamiradaha ku xiran diyaaradaha aan duuliyaha lahayn (Drone Camera), taas oo ka dhigan in Puntland ay noqotay dalkii labaad ee Geeska Africa ku yaalla oo qalabkaan u adeegsada sahanka waddooyinka.
Xafiiska Warfaafinta ee PHA-NESHA ayaa soo bandhigay muuqaal ka turjumaya qaabkii sahanka loogu adeegsaday diyaaradaha aan duuliyaha lahayn ee (Drones Camera).
HALKAAN KA DAAWO
