Wafdi uu hogaaminayo Ra’isal Wasaaraha Xukuumada Soomaaliya Cumar C/rashiid Cali Sharmaake ayaa Maanta gaaray magaalada Garoowe ee Caasimada Maamulka Puntland.
Waxaa magaalada Garoowe Wafdiga Ra’isal Wasaaraha ku soo dhaweeyay Madaxwaynaha Puntland iyo ku xigeenkisa iyo masuuliyiin kale oo ka tirsan maamulka Puntland.
Madaxweynaha Maamulka Puntland C/weli Maxamed Cali Gaas iyo Ra’isal Wasaaraha Xukuumada Soomaaliya ayaa si wadajir ah saxaafada Shir Jaraa’id ugu qabtay Xarunta Madaxtooyada Maamulka Puntland.
Madaxweynaha Maamulka Puntland C/weli Maxamed Cali ayaa Warbaahinta u sheegay in Ra’isal Wasaaraha uu u yimid Magaalada Garoowe si ay ugu wada hadlaan isbedelka la filayo inuu dalka ka dhaco iyo Arrimo la xiriiro doorashada soomaaliya.
Ra’isal Wasaaraha Xukuumada Soomaaliya Cumar C/rashiid Cali Sharmaake oo dhankiisa la hadlay Warbaahinta ayaa marka hore u Hambalyeeyay Madaxda iyo Saraakiisha Ciidamada Puntland dagaalada ciidamada Puntland ay la galeen Al-Shabaab.
Maamulka Puntland ayaa horay ugu soo horjeestay nidaamka Madaxda Dowlada iyo maamul goboleedyada dalka qaarkood ay isla garteen ee ah beelaha soomaaliya ay wax ku qeybsadaan nidaamka 4.5, waxaana Maamulka Puntland ay sheegeen in ay ku qanacsan yihiin in nidaamka deegaanka wax lagu qeybsado.
Hoos ka Dhageyso Codadka C/weli Gaas iyo Ra’isal Wasaraha:-