Maamulka Jubbaland ayaa sheegay inay dileen 7 ka tirsan Al-Shabaab kadib weerar gaadmo ah oo ay ku qaadeen deegaanka Biroole oo 40 KM dhanka galbeed kaga beegan magaalada Kismaayo.
Afhayeen u hadlay ciidamada amaanka Jubbaland oo lagu magacaabo Axmed Maxmuud Maxamed ayaa sheegay in weerarkaan ay ku bartilmaameedsanayeen Saraakiil ka tirsan Al-Shabaab.
Afhayeenka waxa uu sheegay in dhankooda uusan wax khasaare kasoo gaarin dagaalka ay la galeen Al-Shabaab.
Ma jirto cid si madax banaan u xaqiijin karta sheegashada maamulka Jubaland ee ah inay dileen xubno ka tirsan Al-Shabaab.
