Daawo Sawirada: Maalinta Haweenka oo si weyn looga xusay Colubus Ohio.

March 9, 2014

Columbus, Ohio (AGGM): Xaflad lagu maamuusayay Maalinta Haweenka Aduunka ee 8 Maarso ayaa lagu qabtay magaalada Columbus Ohioee dalka Maraykanka.

Waxaa ka soo qeybgalay qeybaha kala duwan ee qowmiyadaha kala duwan ee ku nool gobolka Ohio iyada oo ay xaflada goob joog ka ahayeen Haween xilal sare ka haya Dowlada gobolka Ohio gaar ahaan magaalada Columbus sida Congress Woman Joyce Beatty, Senator Charleta B. Tavares, City Counsel Woman Eileen Y. Paley Masuuliyiin kale oo aad u faro badan kuwaas oo dhamaantood ka hadlay ahmiyada ay haweenku bulshada u leeyihiin iyo sida ay bulsho walba kaalin muuqata uga ciyaaraan Noloshooda dhan walba.

Dad dhaqamo iyo Afafkala duwan ayaa goobta isugu yimid kuwaas oo ka midaysnaa jiritaanka maalintan iyo kaalinta haweenka in ay tahay Muhiim.

Masuuliyiintii soo abaabulay xafladan ayaa sheegay in xafladna ay tahay sanadkii Sadexaad ee lagu qabto magaalada Columus gaar aqalka looga arimoyo gobolka ohio ee loo yaqaan (State House)

Qaar ayaa soo bandhigay dhaqamada dalalkooda iyaga oo muujinayay sida ay maalintan ugu weyntahay haweenka dalalkooda oo marxalado kala duwan ku nool isla markaana siyaabo kala duwan u xusaya maanta oo kale.

Jaaliyada Soomaaliyeed ee Columbus oo ay horkacayaan Aqoonyahano iyo siyaasiyiin Rugcadaa ah oo uu ka mid yahay Wasiirkii hore ee Waxbarashada Dowladii KMG ahady Dr: Abdi Nuur Sheikh Mohamed, ayaa dhankooda soo buux dhaafiyay goobta waxaana xafladan ay noqonaysaa mid si weyn isugu xirta dadka ka soo kala jeeda wadamada kala gadisan ee uu mideeyay dalweynaha maraykanka kuwaas oo si gaar ah ugu nool magaalada Columbus.

Waxaa shahaadooyin la gudoonsiiyay Dhawr qof oo lagu abaalmariyay adeegooda jaaliyada iyo howlaha ay bulshada u ahayaan.

Khadro Mohamed Shire oo ah shaqsiga soo abaabulay xafladan ayaa uga mahadcelisay dhamaan dadkii ka soo qeybgalay sida ay uga qeyb qaadanayaan sidii loo dhiirogalin lahaa haweenka aduunka gaar ahaan kuwa Soomaaliyeed oo ay tusaalaysay marxaladihii qaraaraa ee ay soo mareen.