Musharaxa Ra’isal Wasaaraha cusub ee dalka Turkiga Bin Cali Yaldaran waa nin aad ugu dhow Madaxweynaha Turkiga Rajab Dayib Ordagan waxaana hadal haynta ugu b adan ee dalkaasi Turkiga ay tahay inuu noqon doono R/wasaaraha cusub ee dalkaasi kadib markii uu jagadaaasi iska casilay R/wasaarihii Hore Daud Oglo oo ay iskhilaafeen Madaxweyne Ordagan.
Waxuu ahaa Bin Cali Yaldaran saaxib aad ugu dhow Madaxweynaha Turkiga Ordagan laga soo bilaabo markii uu ahaa Duqa magaalada Istanbuul iyo waliba asaaskii Xisbiga Cadaalada iyo horumarka Turkiga sanadkii 2001, isagoo la Taliye u ahaa Ordagan.
Bin Cali Yaldaram oo iminka u sharaxan jagada r/wasaaraha Turkiga waxa uu ku dhashay magaalada Arzinjan ee Turkiga sanadkii 1955 wuxuu ku takhasusay Xisaabta iyo Culuunta Bada , isagoo ka qeyb qaatay handasaada iyo dhismaha mashaariic fara badan ee Isgaarsiinta Badda ah,taasoo Xukuumadii Rajab Dayib Ordagan ay sumcad weyn ku kasbatay sababtayna inuu ku guulaysto doorashadii sanadkii 2002.
Masu’lkan u sharaxan xilka R/wasaarnimada Turkiga Bin Cali Yaldaram waxa u Wasiir ka noqday Wasaarada Isgaarsiinta dhamaan xukuumadihii R/wasaarihii hore ee Turkiga Rajab Dayib Ordagan intii u dhaxeysay sanadihii 2010ka ilaa 2015ka.
Sidoo kale waxa u Bin Cali Yaldaran dejiyay Qorshaha horumarinta Isgaarsiinta Bada ee Istanbuul,wuxuu dhiira geliyay Ciidaka Bada ee Turkiga isagoo diyaariyay 22 oo ah Gadiidka Badda gala,22 Dekadood, 4 Markab waaweyn oo isaga goosha magaalada Istanbuul Asiya iyo Yurub.
Markii uu iscasilay Daud Oglo waxaa dalkasi Turkiga la isla dhex marayay in R/wasaare laga dhigi doono Sahar Ordagan lkn hada Bin Cali Yaldaram isagaa nasiibku baday oo qarka u saran in loo doorto R/wasaraha cusub ee Turkiga.
Xigasho Wakaalada Wararka Soomaaliyeed ee Sonna
