Iyadoo Xaalado adag oo Dhinaca Beni’aadanimada ah Laga Soo Sheegayo Deegaano Iyo Dagmooyin Hoostaga Gobollada Mudug iyo Galgaduud ayaa waxaa Arrimahaasi oo idil ka hadlay Masuuliyiin ka tirsan Maamulka Galmudug.
Naciimo Maxamad Maxamuud oo ah Wasiirka Wasaaradda Caafimaadka Galmudug ayaa shaaca ka qaaday in mida ugu daran ee haatan tagay tahay Cudurro iyo Abaaro halkaas ka taagan.
Waxaana ay intaas sii raacisay in Caruur badan ay u geeriyoodeen kuwa kalana ay la il daran yihiin Cudurka Shuban Biyoodka iyo Nafaqo darrida.
Wasiirka Caafimaadka Maamulka Galmudug Naciimo Maxamad oo hadalkeeda sii wadata ayaa carabka tilmaamtay in sidoo kale abaaro daran ay ka jiraan Gobolka Mudug iyo deegaanno kale oo hoostaga iyadoo tilmaamtay in dhowr jeer ay u qeylo dhaamiyeen Hay’adaha Deeqda Bixiya.
Ugu dambeyn ayey sheegtay in dadkaasi abaartu saameysay in Gurmada kala duwan oo la gaarsiiyay ay ku filnaan waayeen.
Indhawaahaan ayaa Abaaro waxa ay ka taagnaayeen qeybo badan oo ka tirsan Gobollada Dalka Soomaaliya.