Cabdiraxman Shariif iyo Khaliif Shariif oo da’dooda lagu sheegay 21 jir iyo 18 jir ayaa la xaqiijyey in ay ku geeriyoodeen dagaal ka dhacay dalka suuriya, waxaana la sheegaya in wiilashaas ay ka garab dagaalamayeen kooxda la magac baxay dowladda islaamka ee daacish.
Mid ka mid ah Wargeysyada ka soo baxa dalka Britain ayaa Manta waxaa uu daabacay in Cabdiraxman Shariif iyo Khaliif Shariif ay sanadkii 2014 kasoo tageen Magaalada Manchester ee dalka Britain si ay ugu biraan kooxda Daacish.
Fatuma oo ah 48 sano jir ahna Hooyada dhashay labada wiil ayaa u sheegtay warbaahinta gudaha Britain in lagu wargaliyey geerida wiilasheeda, islamarkaan ay soo waceen niman katirsan kooxda daacish oo u sheegtay in ay dhintay labadeeda wiil.
Soomaali u badan dhalinyaro oo heystay dhalashada dalalka Britain iyo maraykanka ayaa ku biiray Kooxda dowladda islaamiga ah ee Daacish iyadoo magaalada Manchester iyo gobalka menisoto ee dalka maraykanka lagu tilmaamay meelaha ugu oo ay baxeen dhalinyarada ku biirtay IS oo isugu jiray wiilal iyo gabdho.
