Xeebta dalka Masar ayaa Waxaa laga helay Hooyo Soomaaliyeed iyo Seddex Caruur oo ay Dhashay.
Meydka Hooyadaani ayaa waxaa lala helay dhowr qof oo kale oo kasoo jeeda dalalka carabta sida ay sheegay Madexda Katirsan dowlada Masar oo Booqday meydka Hooyadaas Soomaaliyeed iyo Caruurta ay Dhashay.
Dadka meydadkooda laga Helay Xeebta ayaa la aaminsanyahay in doonayeen in ay Tahriib ku galaan Dalalka Yurub.
Saraakiisha Ciidamada Badda Masar Dowlada ayaa Baadigoobaya dooni ay la socdeen in kabadan 105 qof oo la sheegay 74 ka mid ahaayeen Soomaali, wali aan Nolol iyo Geeri midna lagu hayn.
Hooyada iyo Caruurta ay Dhashay ayaa lagu magacaabi jiray Cadar Xasan Cadaawe, halka caruurtana ay kala yihiin, Abuukar C/kariin oo Seddax bil kaliya jira, Anfac Cabdikariin oo sanad iyo bar jir iyo Abuukar oo todobo sano jir ah.
