Madaxweyne ku-xigeenka dalka Kenya, William Ruto ayaa lagu wadaa inuu maanta hortago maxkamadda The Hague ee fadhigeedu yahay dalka Nederlands.
William Ruto ayaa ku eedaysan inuu ku lug-lahaa dambiyo ka dhan ah bani’aadannimada oo dalkiisa ka dhacay sannadihii 2007-dii iyo 2008-dii.
Waxaa jira warar sheegaya inaysan jirin markhaatiyaal diyaar u ah inay caddeeyaan eedaymaha loo haysto madaxweyne ku-xigeenka Kenya.
Maxkamadda The Haague ayaa horay u laashay dacwad ka dhan ahayd madaxweynaha Kenya, Uhuru Kenyatta.
Rabshooyin ka dhashay doorashadii madaxweyne-nimo ee Kenya ka dhacday sannadku markuu ahaa 2007-dii ayaa waxaa ka dhashay dhimashada boqollaal qof iyo barakaca qoysas badan.
