Wararka naga soo gaaraya magaalada Caabudwaaq ayaa waxa ay sheegayaan in maanta magaaladaasi uu gaaray Xasan Maxamed Nuur (Xasan Qalaad) oo ah musharax u taagan qabashada Xilka Madaxweynenimo ee maamulka dhawaan laga yagleelayo gobolada dhexe ee Soomaaliya.
Wafdigan uu hogaaminayay Musharax Xasan Maxamed Nuur (Xasan Qalaad) ayaa waxaa magaalada Caabudwaaq ku soo dhaweeyay guud ahaan qeybaha Bulshada gaar ahaan Mas’uuliyiinta Maamulka iyo Waxgaradka Magaalada Caabudwaaq.
Musharax Xasan Maxamed Nuur (Xasan Qalaad) iyo Wafdiga la socday ayaa waxaa loo galbiyay Hotel Salaama ee magaalada Caabudwaaq oo ah halka uu kula hadlayay bulshadii soo dhaweeysey isaga oo sheegay in uu qaban doono wax la taaban karo haddii uu ku guuleeysto in uu noqdo Madaxweynaha gobalada dhexe.
Halkan Hoose Ka Dhageyso
W/D. Wariye Sharmaake Cabdi Khaliif
Xafiiska Warqabadka AGGM Caabduwaaq, Soomaaliya
