Iyadoo mudo uu xabsiga dhexe ee Magaalada Muqdisho ku xiran yahay korneel Cismaan Cilmi Guure “korneel Cukaash’ kaas oo loo xiray Gabay uu ka tiriyey dhibaatada haysta Ciidamada xoogga dalka islamarkaana uu ugu magacan daray fariin Qaran ayaa maanta waxa lagu soo hadal qaaday Xarigiisa kulanka Baarlamaanka .
Xildhibaanada ka hadlay xariga korneel Cukaash waxa ka mid Xidhibaan kulalihi, isaga oo Gudoonka Baarlamaanka weydiiyey ,wuxuu kala socdo arrinta ku aadan xiritaanka Cukaash, waxa uu mudaneyaasha Baarlamaanka iyo Gudoon ka codsaday in ay ka qayb qaatan siideynta korneel Cismaan Cilmil Guure .
Sargaalkaan ayaa xiritaankiisa waxa horay amar ugu baxshay sida la sheegay Taliyaha Ciidamada Milatariga Soomaaliya Generaal Daahir Aadan Cilmi Indha-qarshe .
Dhowr jeer oo loo balamay in Maxkamad la soo taago dib ayey u dhacday,Iyadoo aan laga warqabin Xariga Kornelka ayaa waxaa Banaanka soo dhigtay Warbaahinta Muqdisho.
