AKHRISO:- Ciidamadda Hay’adda NISA oo gacanta ku dhigay Agab Saanad Ciidan ah oo loo waday Alshabaab

0

Ciidanka Nabadsugida iyo Sirdoonka Qaranka Soomaaliyeed ee NISA ayaa Maanta markale dekada magaalada Muqdisho ku qabtay agab iyo saanad ciidan oo la sheegay in loo waday Al-shabaab.

Wasiiru dowlaha Wasaaradda Amniga gudaha Xukuumadda Soomaaliya Maxamed Cali Xagaa ayaa warbaahinta u sheegeen in 24 saac gudahood ciidanka NISA iney gacanta ku dhigeen Kunteenarkii labaad oo ay ka buxaan agab iyo saanad ciidan oo ku socday Al-shabaab.

“Maanta waxaa u suuragashay ciidanka Sirdoonka Qaranka iney qabtaan konteenarkii labaad oo waxyaabaha ku jira ka mid yihiin diyaarado doranis ah, qalab gawaarida ku shaqeeyo, koofiyaha aan xabad karin, rimuudka qaraxa iyo waxyaabo kale” ayuu yiri Wasiiru dowlaha Wasaaradda Amniga Maxamed Cali Xagaa.

Wuxuu sidoo kale sheegay Wasiir Xagaa in dowladda Soomaaliya ay dadaal dheer ku bixin hayso dagaalka ka dhanka ah Al-shabaab oo uu xusay in haatan intiisa badan in laga guul gaaray.

Dhawaan ayay ahayd markii markii ciidanka Hay’adda Nabad Sugidda iyo Sirdoonka Qaranka Soomaaliya ay sidaan oo kale ku qabteen Dekadda iyo garoonka diyaaradaha Muqdisho agab iyo saanad ciidan oo la sheegay in loo waday dagaalamayaasha Al-Shabaab.