Guddiga Komishinka doorashada Somaliland ayaa saqdii dhexe ee xalay ku dhawaaqay natiijada hordhaca ah ee doorashooyinkii Golayaasha Wakiilada iyo deegaanka ee ka dhacay Gobolka Maroodi-jeex iyo degmada Hargeysa.
Natiijadan oo aheyd midii ugu dambeeysay ayaa waxaa doorashadii Golaha Wakiilada ee Gobolka Maroodi-jeex ku tartamay 20 Xildhibaan oo u kala tartamayay saddexda xisbi ee UCID, Kulmiye iyo Wddani.
Saddexda Xisbi ayaa doorashada Golaha Wakiilada ee Maroodi-jeex u kala helay sidaan:
UCID 5
Kulmiye 8
waddani 7
Doorashadii Golaha Wakiillada Maroodi-jeex ayaa waxaa ku jira Barkhad Batuun oo ahaa musharaxii ugu hadal heynta badnaa doorashada ka dhacday Somaliland, waxaana uu helay Codad gaaraya 20231.
Sidoo kale Guddiga Komishinka Somaliland oo ku dhawaaqay natiijada doorashadii Golaha deegaanka ee degmada Hargeysa ayaa waxaa ay saddexda xisbi Musharaxiintooda u kala heleen sidaan:
UCID 4
KULMIYE 6
WADDANI 7
Doorashadii ka dhacday Somaliland ayaa waxaa Golaha Wakiilada ku tartamay 82 Xildhibaan, halka Golaha deegaanka ay ku tartameen 249, waxaana codadkooda dhiibtay in ka badan hal milyan oo qof oo ah dadka Somaliland.
