Siyaasiga Feysal Cali Waraabe ayaa dafiray Beelaha ka soo jeeda deegaanada maamulka Soomaaliland ay qeyb ka yihiin Doorashooyinka Soomaaliya.
Feysal Cali Waraabe ayaa carabka ku adkeeyay in Soomaaliya uu yahay Dal la heysto oo Ciidamo Shisheeye ay ilaaliyaan ,islamrkaana Dowlado Caalami ah ka arrimiyaan sida uu hadalka u dhigay sidaas daraadeed aan loo baahneen in Soomaaliland lagu dabaqo xaaladda murugsan ee Soomaaliya.
Dhinaca kale Feysal Cali Waraabe ayaa carabka ku adkeeyay in dalka uu ka dagi la’yahay Beelaha Hawiye oo looga baahan yahay in ay la heshiiyaan Beelaha kale.
Waxaana uu ku nuux nuuxsaday in waxyaabaha dalka ragaadisay dib u dhacana ku keenay ay qeyb ka tahay in Puntland ku gor gortanto haddii waxa ay u baahan tahay aan la siin ay Soomaaliya inteeda kale ka go’eyso isagoo isweydiiyay in Puntland ay isbixin karto haddii ay Soomaalida kale ka tashato taas oo uu ku tilmaamay wax aan suura gal ahayn.
Ergooyinka ka soo jeeda Gobollada Waqooyi ee Soomaaliya ayaa dhawaan guda gali doono howlahooda Doorashada labada aqal.
