Ra’iisul Wasaaraha Dowladda Federaalka Soomaaliya Cumar C/rashiid Cali Sharmaarke oo ku sugan Magaalada Gaalkacyo ayaa kulamo gaar gaar ah waxa uu Gaalkacyo kula qaadanayaa Guddiyada Nabadgelyada ee shalay la magacaabay.
Kulamadan Ra’iisul Wasaaraha uu la qaadanayo Guddiyada Nabadgelyada ayaa waxaa looga hadlayaa sidii loo dhameystiri lahaa heshiiskii dhowaan Magaaalada Gaalkacyo ay ku gaareen Madaxda Maamullada Puntland.
Guddi ka kooban 18 xubnood oo laga soo kala xulay Maamullada Puntland iyo Galmudug ayaa waxaa loo xilsaaray in ay dhameystiraan heshiiskii Magaalada Gaalkacyo.
Cumar C/rashiid Cali Sharmaarke Ra’iisul Wasaaraha Dowladda Federaalka Soomaaliya ayaa loo gudbiyay Magacyada 18-ka xubnood ee ay soo magacaabeen Maamullada Puntland iyo Galmudug, waxaana socda dadaalo lagu kala qaadayo dhinacyada Gaalkacyo isku hor fadhiya.
