Waxaa Xalay Saqdii dhexe uu Dagaal Culus Ka dhacay Magaalada Gaalkacyo Ee Gobolka Mudug iyadoona Warar dheeraad ah aan laga heynin Khasaaraha.
Dagaalka ayaa dhexmaray Ciidanka Galmudug iyo Kuwa Puntland waxaana uu daba joogaa Dagaal muddooyinkii dambe ka dhacayey magaaladaasi.
Galbeedka Gaalkacyo ayaa lagu Soo waramayaa xilli dadka fara ku tiriska ku Ah Halkaasi ay Saqdii dhexe mar keliya ay kusoo salaleen jugta Rasaasta kala duwan ah oo ka dhaceysa Magaalada.
Qaar ka mid ah Dadka waxay sheegeen in dagaalka uu xooganaa Muddo Saacad ku dhaw hase ahaatee markii dambe uu iskiis u istaagay.
Saaka oo Jimco ah wax dagaal ah kama socdo Gaalkacyo Jawigana waa deggan yahay,sida dad lagu Kalsoon yahay ay Wakaalada Warqaad usheegeen.
