Qaar kamid ah ganacsatada Soomaaliyeed ee magaalada Colmubus Ohio ee dalka Maraykanka ayaa casho xog waran ah la qaatay wasiiru dowlaha xaafiska madaxtooyada puntland ahna wasiirka xiriirka gobolada Dr. Bashiir C/rixman X.Gurxan.
Kulankan waxa ay ganacsatadii ka hadashay, ku soo dhaweeyeen wasiirka oo ka mid ahaa jaaliyada gobolka Ohio, isla markaana ka mid noqday maamulka puntland ee uu madaxweynaha kayahay Dr. C/wali gaas.
Waxay ka bogaadiyeen howlaha maamulkaasi, iyo sida loogu baahanyahay in maamulada dalka ay wax weyn ka qabtaan dhanka is dhexgalka bulshada, iyo sidii loo heli lahaa qaran xoogan oo shacabkiisa ku tiirsan.
Warbixin dheer oo uu Wasiirku soo bandhigay waxa uu kaga sheekeeyay xaalada deegaanada Puntland iyo mudadii uu madaxweyne Gaas xilaka qabtay waxa is badalay, waxa uu sida oo kale warbixin ka bixiyay xaalada deegaanka Saaxo oo ah deegaan dhawaan dagaalo ka dhaceen, iyo in iminka horumar laga sameeyay isla markaana laga hirgaliyay ceelasha biyaha, isgaarsiin, xabsiga, iyo waxyaabo badan.
Waxa wasiirku uu ka codsaday ganacsatada Soomaaliyeed ee Columbus in ay u istaagaan horumarinta deegaamadii ay ka yimaadeen, isla markaana ay abuuraan fursado wax ku ool ah iyaga oo kaashanaya maamulada jira.
Dr. Bashiir waxa uu ka dhawaajiyay, in madaxweyne Gaas uu balanqaaday dhaqaalo xoogan in uu ku bixinayo Jaamacada Galgaduud University ee magalada Caabudwaaq arintaasna laga dhabayn doono dhawaan.
Xogwaraysi iyo isdhaafsi xaalada dalka kadib waxaa lagu balamay dhisida Gudi aqoonyahano, Ganacsato, iyo Siyaasiyiin isugu jira oo ka howlgala sidii gnacsatadu uga howlgali lahayeen deegaano badan oo ku yaala Konfurta, Bartamaha iyo sidoo kale gobolada Puntland.
Hoos Ka Daawo Sawiradda:
