Muqdisho(AGGM) Sida la aaminsan yahay waxaa nawaaxiga Bacadlihi hore ee Xamarweyne hadda ka dhacay qarax aad u xoogan kaasi oo la aaminsan yahay inuu ahaa gaari waxyaabaha qarxa lagu soo rakibay,waxaana qaraxaasi dhawaaqiisi laga wada maqlayey guud ahaan inta badan Magaalada Muqdisho.
Meesha gaariga ka qarxay waxaa aad ugu dhow goobo ganacsi oo ku yaala agagaarka Bacadlaha iyo dhinaca Via Egito, iyadoo goor dhow halkaas ay gaareen gawaarida Ambalaasta, kuwaasoo daad-gureynaya dhaawacyo,waxaana meesha ku sii qulqulay ciidamada dawlada iyo kuwa Amisom.
Qaraxan ayaa la aaminsan yahay in dad rayid ahi ku waxyeeloobeen,waxaana la sheegaya in qaraxan yahay mid Falaagada Alshabaab soo qorsheeyeen isla markaasna ugu tallo galeen inay dadka shacabka ku dhibaateeyaan,waxaana arriintaasi aad walaac uga muujiyey shacabka Magaalada Muqdisho oo inta badan dhibaato ka soo gaarto.
Qaraxan oo ahaa mid aad u xoogan ayaa laga maqlay qeybo ka mid ah magaalada, iyadoo maalmahan magaalada Muqdisho ay ka jirtay cabsi ku aadan in qaraxyo waa weyn ay ka dhacaan. Qaraxyadana ayaa ah kuwo Kooxda Alshabaab ay kordhiyeen bisha ramadaam gudaheeda,waxaana ay sheegeen inay sii wadayaan.
Ugu dambeyntii qaraxan waxa uu imaanaya xilli ay Shalay kooxo Alshabaab ka tirsan ku halaagmeen qarax xoogan oo ka dhacay guri ku yaala xaafada Wadajir kaasi oo la aaminsan yahay inay qaraxaasi ku sameynayeen isla markaasna ku doonayeen inay ku dhibaateeyaan dadka shacabka ah.
Isha Ku Hay Allgalgaduud
Allgalgaduud@gmail.com
