Garoowe(AGGM) Dagaalkan ayaa ah sii xoogeystey,waxaana la sheegayaa in dadka degaanku ciidamada Puntland kala wareegeen gaariiga sanaadiiqda siday iyagoo sidoo kale gacanta ku dhigey gaari nooca dagaalka ah oo ciidamada Maamulka Puntland leeyihiin,waxaana wararku sheegayaan in ciidamada saldhigii ay ku sugnayeen lagala wareegay.
Khasaaraha dhimashada ayaa warar is khilaafsan ka soo baxayaan, balse wararka intooda badan ayaa sheegaya in 3 kamid ah ciidamada iyo 3 qof oo rayid ah dagaalka ku dhinteen, dhaawaca ayaa intaasi ka badan.
Dhinaca kale Magaalooyinka Bosaaso iyo Garowe ayey hada kasoo baxeen ciidamo gurmad ah oo ay xukuumada u direyso magaalada Qardho iyo ciidamada ku hareeraysan xarunta Booliiska, waxaana laga baqayaa in saacadaha soo socda uu dagaalka sii xoogeysan karo.
Maalinimadii Khamiista ayey bayaan ay beelaha gobalka Karkaar kasoo saareen doorashooyinka ay wado xukuumada Puntland ku tilmaamay inaan laga ogoleyn deegaanada Karkaar, iyagoo uga digay dowlada Puntland inay awood shacabka u adeegsadaan ama khal khal amniga geliyaan.
Waxaa magaalada Qardho hada laga dareemayaa dhaq dhaqaaq ciidan, waxaana markii ugu horeysay in muddo ah wadooyinka magaalada Qardho lagu arkay gaadiidka dagaalka ee hubka culus saaran yihiin oo ka garab dagaalamaya dadka shacabka ah ee kasoo horjeeda ciidamada magaalada soo galiyey sanaadiikhda doorashada.
Ugu damebyntii magaalooyinka Iskushuban, Rako iyo Bander Bayla ayaa laga soo saaray labo maalmood kahor gaadiidkii waday sanaadiikhda doorashada kadib markii ay shacabkii halkaasi degenaa kasoo horjeesteen, magaalada Rako ayey sidoo kale ka dhaceen rasaas lala beegsaday ciidamadii halkaasi tagay oo markii danbe dib uga soo noqday.
Wararka Ka Soo Kordha Dagaalkaasi kala soco Allgalgaduud
Isha Ku hay Allgalgaduud
Allgalgaduud@gmail.com
