Bosaso(AGGM) Duleedka Magaalada Bosaso ee gobolka Bari waxaa xalay ka dhacay weerar aad u xun kaasi oo ay geysteen kooxo hubeysan kuwaasi oo la sheegay inay ku labisnayeen direyska ciidamada daraawiishta Maamulka Puntland,waxaana la sheegay inay gaari degaankaasi mareyey rasaas culus ku fureen.
Gaarigan ayaa la sheegay inay dad shacab ahi saarnayeen isla markaasna ku soo wajahnayeen degaanka Carmo ee isla gobolka Bari oo ay ku socdeen,waxaana la sheegay in kooxdaas hubeysan ay rasaas culus ku fureen isla markaasna ay geeriyoodeen in 4 ruux kuwaasi oo ka mid ahaa dadkii gaariga saarnaa.
Waxaa dadka dhintay ka mid ahaa dadkan hoos ku xusan yihiin Magacyadooda:
- Ina Foorde Maxamed
- Ina Maxamuud Rabiile
- Xuseen Cali Maxamuud Ina Lacag Badane
- Maxamuud Maxamed Qoslaaye
Waxaa dadka dhaawacmay ka mid ah dadkan:
- Amaal Cumar Mumiin Bicil
Ismahaan Cumar Muumin Bicil - Faadumo Maxamed
- Aamina Maxamed Cabaas
- Aways Maxamed Dirir
- Maxamed Axmed
- Aadan Cali Subagle
Ugu dambeyntii arrimahan ayaa muujinaya amaan darradda ka taagan degaanada Puntland iyadoo ay labada maalmood ee soo socda Maamulka Puntland iclaamiyeen inay doorasho ka qabsoomayso degaanada Puntland oo dhan,waxaana la sheegayaa in dadku ka cabsi qabaan falal kale oo amaan darro ah.
Isha Ku Hay Allgalgaduud
Allgalgaduud@gmail.com
