Birmingham (AGGM) Waxa hadda gudaha magaalada Birmingham ka socda munaasabada lagu tageerayo Madaxweynaha Maamulka Jubbaland Col Bare Aadan Shire ” Hiiraale” Waxaana munaasabadaas ka soo qayb galay kumanaan ruux oo ka kala yimid gudaha wadanka Britain iyo dalalka kale ee qaarada Yurub,waxaana halkaasi ka socda xaflaad aad u heer-sareysa.
Munaasabadan oo ah mid aad u heer sareysa isla markaasna ay ka soo qaybgaleen shacab soomaaliyeed oo aad u badan kuwaasi oo ka soo jeeda gobollada Jubooyinka Iyo Gedo ayaa xilligan socota,waxaana dadkaasi muujinayaan tageerada ay u hayaan Madaxweynaha cusub ee maamulka Jubbaland ee uu madaxweynaha u yahay Col Bare Aadan Shire Hiiraale,waxaana halkaasi ku sugan siyaasiyiin ,waxgarad,dhalinyaro & haween.
Sidoo kale waxaa halkaasi ku sugan fanaaniin soomaaliyeed oo halkaas ku soo bandhigi doona Heeso ku aadan tageerada maamulka goboleedka Jubbaland,waxaana lagu wadaa in munaasabadaasi sii socoto ilaa caawa saqda dhexe. Munaasabada oo hadda bilaabatey waxaa wali socda Khudbadaha halkaasi laga jeedinayo iyadoo la sugayo in Khadka Telefoonka Inuu kaga soo qayb gallo madaxweynaha Maamulka Jubbaland Col Bare Aadan Shire Hiiraale.
Madaxweynaha Jubbaland Col Bare Hiiraale ayaa lagu wadaa inuu halkaas Khadka Telefoonka kaga soo jeediyo Khudbad dhinacyo badan taabanaysa isla markaasna ku aadan soo dhisidda Madaxweyne ku xigeenkiisa iyo Golihiisa wasiirada,waxaana laga sugayaa barnaamijkiisa siyaasadeed ee ku aadan sidii uu hogaamin lahaa ummadda ku dhaqan 3 gobol ee uu madaxweynaha u yahay.
Deeq Abiib Xaashi
Birmingham,Uk
Isha Ku Hay Allgalgaduud
Allgalgaduud@gmail.com
