Fadhigii barlamaanka Puntland ee maanta ayaa Xidhmay, Kadib markii uu buuq hadheeyey , Waxaana War kasoo baxay Gudoonka barlamaanka lagu sheegay inuu fadhiga hakiyey ka dib markii 5xildhibaan is hor taageen habsami u socodkii shaqadii golaha.
Dhinaca kale Xildhibaano ka tirsan barlamaanka Puntland oo Garoowe shirjaarid ku qabtay ayaa Gudoomiyaha barlamaanka Puntland Cabdirashid Yusuf Jibriil ku eedeyey in uu afduubay habsami u socodka xarunta golaha wakiilada Puntland isla markaana uu mudanayaasha barlamaanka u adeegsaday ciidankiisa gaarka ah si uu ugu caburiyo.
Waxay ugu baaqeen in uu iscasilo inta aysan xilka ka qaadin iyagoo tilmaamay in iska hor keenay barlamaanka oo uu kala qaybiyey waxay ku eedeeyeen in ka been sheego fadhiyada golaha oo sida uu doonayo u dhigto iyadoo la sheego tiro aan soo xaadirin fadhiyad barlamaanka.
“Gudoomiyaha barlamaanku wuxuu amray in ilaaladiisu gudaha hoolka soo galaan si ay Gacan ka hadal ugu sameeyaan xildhibaanadii tabashada qabay hadii aan fowdo rabno ma codsaneen in hoos aan u wada hadalno oo saxaafada banaanka loo saaro, Gudoomiyaha ayaa ka shaqeeyey in golaha ceebtiisu banaanka u soo baxdo , Xukuumad waxaan ka codsanaynaa in ay Golaha amaankiida Sugto” Ayuu yidhi Xildhibaan Baduugaaye.
Xildhibaanada Warbaahinta kula hadlay Garoowe ayaa Madaxwaynaha Puntland Siciid Cabdulaahi Deni ayey ugu baaqay inuu sugo amniga xarunta golaha wakiilada oo tilmaameen in ciidamo gaar ah oo tiro badan uu keensaday Gudoomiye Cabdirashiid Yuusuf Jibriil.
Xarunta Baarlamaanka Puntland waxaa horay uga dhacay Weerar dhiig ku daatay oo lagu Qaaday Gudomiyihii Hore ee Baarlamaanka Cabdixakiin Dhoobadaareed, kadib markii uu Khilaaf soo kala dhex galay isaga iyo Madaxwyane Deni.
