Madaxweynaha Dowladd goboleedka Puntland, Siciid Cabdullaahi Deni iyo wefdi uu hoggaaminayo, ayaa Maanta oo Talaado ah ku wajahan magaalada Galdogob ee Gobolka Mudug.
Socdaalka Madaxweynaha, oo ah kii u horreeyay ee tan iyo markii la doortay uu ku tago magaalada Galdogob, waxaa ku wehelin doona xubno ka tirsan Golayaasha Puntland iyo Maamulka Gobolka Mudug.
Madaxweyne Deni iyo Wefdigiisa, oo u kuur-gelaya Xaaladda Galdogob, ayaa kulamo kala duwan la qaadan doona Mas’uuliyiinta magaaladaasi, Hoggaanka Dhaqanka iyo Qaybaha kala duwan ee Bulshada Degmadaasi.
Sidoo kale, Madaxweyne Deni ayaa halkaasi ka dhagax-dhigi doona mashaariic horumarineed, oo horay Puntland ay u ballan-qaaday in laga fulin doono magaalada Galdogob.