AKHRISO:- Guddiga doorashooyinka Puntland oo Fariin u diray ururada Siyaasada

0

Guddiga Ku meel gaarka ah ee Doorashooyinka Puntland (TPEC) ayaa ku wargeliyay ururada siyaasadda Puntland in ay ugu dambayn 22-june 2020 ku soo gudbiyaan dhammaystirka Shuruudaha Wejiga labaad ee Diiwaan-gelinta.

Qoraal ka soo baxay TPEC ayaa lagu sheegay in Guddigu uu dib u eegis ku sameeyay go’aankoodii hore ee la xiriiray hakinta shirarka Ururada Siyaasadda si looga taxaddaro faafidda Xanuunka COVID-19 sidaasi darteedna ay Ururada siyaasaddu haatan soo gudbistaan Shuruudaha Wejiga labaad ee Diiwaan-gelinta.

Sidoo kale Urur siyaasadeed kasta waxaa lagu wargeliyay in uu qabsado Shirweynihiisa ka hor 22-June2020 si waafaqsan Habraaca iyo Shuruudaha u degsan Guddiga Ku meel gaarka ah ee Doorashooyinka Puntland.