Saraakiisha ammaanka ee dalka Kenya ayaa waxaa ay sheegeen in dagaalamayaasha Al-Shabaab ay wiil dhalinyaro ah oo la dhashay mas’uul ka tirsan dowladda ay Jimcihii la soo dhaafay ka soo afduubteen magaalada Gaarisa ee gobolka Waqooyi Bari ee dalkaasi
Saraakiisha laamaha ammaanka ee Kenya ayaa sheegay in wiilkaasi oo lagu magacaabo Daa’uud Bashiir Guure ay Al-shabaab kala baxeen hoygiisa.
Afhayeen u hadlay booliiska dalka Kenya ayaa sheegay in koox hubeysan ay afduubteen Daa’uud, kuwaasi oo tiradooda gaaraysa 20 Qof.
Wararka ayaa intaasi waxaa ay ku darayaan in Daa’uud Guure lala soo aaday gudaha Soomaaliya
Hayeeshee booliska dalka Kenya ayaa waxaa ay shaaca ka qaadeen in ay ku raad joogaan kooxihii afduubka u geystay Daa’uud Bashiir Guure.
Al-Shabaab ayaa kordhay afduubka iyo weerarada ay ka fulinayaan deegaanada ka tirsan gobolka waqooyi bari ee dalka Kenya.