Howlgal ay Magaalada Hargeysa ka sameeyeen Ciidamada booliska Soomaaliland ayaa waxaa ay gacanta ku soo dhigeen Mandooriyaha Khamriga oo lagu ganacsanayay gudaha Magaaladaasi.
Saraakiisha Ciidamada Booliska ee Magaalada Hargeysa ayaa waxaa sheegeen in Qamrigan la doonaayay in lagu dhibaateeyo dadka Shacabka degaanada Somaliland.
War kasoo baxay taliska Ciidanka Booliska Somaliland ayaa lagu sheegay in tilaabo adag laga qaadi doono dadkii lagu soo qabtay Qamriga.
Afhayeenka Ciidanka Booliska Soomaaliland Feysal Xiis oo warbaahinta kula hadlay Magaalada Hargeysa ayaa waxaa uu sheegay inuu ka digayo in waxyaabaha maanka dooriya la geeyo deegaanada Soomaaliland, islamarkaana waxaa uu xusay in tilaabo adag ay ka qaadi doonaan dadka ay gacanta ku soo dhigaan.
