Madaxweynaha dalka Jabuuti Ismaaciil Cumar Geelle oo Booqasho ku jooga Magaalada Muqdisho ayaa Maanta Khudbad u jeediyay Xildhibaanada labada Golle ee Baarlamaanka Federaalka Soomaaliya.
Madaxweyne Geelle ayaa sheegay in uu aad uga faraxsan yahay in uu Khudbad u jeediyo Baarlamaanka Soomaaliya,iyadoo uusan furneyn Kal-fadhiga Baarlamaanka,isagoona ka hadlay arrimo kala duwan.
Madaxweynaha dalka Jabuuti Ismaaciil Cumar Geelle ayaa waxa uu tilmaamay in Amaanada ugu weyn ee Baarlamaanka saaran ay tahay in midnimada la ilaaliyo oo aan la niyad-jabin Shacabka,isla markaana loo baahan yahay in laga wada shaqeyo Midnimada dowladda.
Ugu dambeyntii Madaxweynaha waxa uu baaq u diray Madaxda dowlada iyo Shacabka Soomaaliyeed,isagoona ugu baaqay in ay sameeyaan isku tanaasul,taasi oo ku sheegay in ay tahay mid hormar wacan lagu gaari karo.
