DHAGEYSO:- Maxkamada Ciidamada Jubbaland oo xukun dil ah ku xunkuntay nin xaaskiisa dilay.

0

Maxkamadda Ciidamada Qalabka Sida ee Maamulka Jubbaland ayaa maanta xukun dil toogasho ah ku riday C/laahi Asad Ismaaciil oo horey loogu eedeeyay inuu dilay Xaaskiisa 14-kii bishii April, waxaana xaaskiisa lagu magacaabi jiray Muxubo Maxamed Guure.

Dilkan ayaa waxa uu ka dhacay xaafada Calanley ee Magaalada Ksimaayo, xilli habeen ah saacadu marka ay aheyd 08:00 fiidnimo, sida ay horey u sheegtay Maxkamadda.

Guddoomiyaha Maxkamadda Darajada Koowaad ee Ciidamada Qalabka Sida Jubbaland Bashiir Maxamuud Xareed ayaa sheegay in Maxkamadda Ciidamada ay horay u dhageysatay kiiska, ugu dambeyna ay maanta ku xukuntay dil toogasho ah.

Wuxuu sheegay Guddoomiyaha Maxkamadda Darajada Koowaad ee Ciidamada Qalabka Sida Jubbaland ayaa sheegay ciddii aan ku qanacsanayn xukunka Maxkamadda inuu u furan yahay Racfaan.

Dhinaca kale, Ehelada Marxuumka dilka loo gaystay ayaa dalbaday in cadaalada la waafajiyo kiiska dilka, eedeysanaha dilka gaystayna tiirka loo geeyo, ugu dambeyna xukunkii maxkamadda wuxuu noqday dil toogasho ah.

Isku soo wada duuboo C/laahi Asad Ismaaciil ayaa Muxubo Maxamed Guure guursaday 15-kii bishii Janaayo 2018-ka, waxaana dhacdadan maalmihii dambe aad loogu hadal hayay baraha bulshada.

HOOS KA DHAGEYSO

 

SHARE

LEAVE A REPLY

Please enter your comment!
Please enter your name here