Taliyaha Saldhigga degmada Afgooye Ee Gobolka Shabeelaha Hoose C/qaadir Mursal Nuunoow oo Warbaahinta la hadlay ayaa waxaa uu beeniyey wararka sheegaya in dilalka iyo weerarada ka dhaca degmada Afgooye ay fuliyaan dagaalyahanno ka tirsan Kooxda Daacish.
Waxaa uu sheegay in aysan sal iyo raad lahayn warar soo baxayey oo tilmaamayey in Kooxda Daacish ay masuul ka tahay dilalka iyo dagaalada muddooyinkii dambe ka dhacay Afgooye,Taliyaha ayaana hadalkiisa raaciyey in degmada Afgooye cidda weerarka ka fulisa ay tahay Al-Shabaab iyagana dhawaan ay ka guuleysan doonaan.
