Ciidamada Maamulka Puntland ayaa sheegay in ay qabteen 4 ka mid ah Xarakada Al-shabaab kaddib howlgal ay ka sameeyeen Buuraleyda Calmadow.
Howlagalka Ciidamada ayey ku sheegeen in ay ku daba joogeen xogo la xiriira in xubno ka tirsan Al-shabaab ay joogaan degaankaas.
Waxaa ay sheegayaan in afarta qof ee la qabtay ay Al-shabaab u qaabilsanaayeen gudbinta sahayda islamarkaana toos ula shaqeeyaan.
Puntland waxaa ay sheegeysaa in ay dagaal kula jirto Daacish iyo Al-shabaab islamarkaana Ciidamadeeda wadaan howlgal joogto ah oo ay ka sameynayaa degaannada Buuraleyda u badan.
Sidoo kale shalay ayey ahayd markii Ciidamada Puntland ay sheegeen in saddex Qof oo ajaanib ah ay ku qabteen degaanka Garacad ee Gobolka Mudug.
