FAALLO:- Golaha Iskaashiga Dowlad-Gobaleedyadda Awood Ma U Leeyihiin Hawlaha AMISOM

Madaxda Dowlad-gobaleedyadda Jubbaland, Puntland, Hirshabelle iyo K/Galbeed waxay bishan October 8-dii ilaa 10-dii Shir ku yeesheen magaalladda Kismaayo oo Caasmad KMG u ah Maamulka Jubbaland, kaasi oo u muuqda mid ay kaga soo horjeedaan DFS ee ay Dowladaha Caalamka aqoonsan yihiin.

Shirkaasi waxaa laga soo saaray War-murtiyeed ka kooban 16-qoddob, kuwaasi oo badankooda laga dhadhansanayo Go’aamo aan Qiil Lahayn.

Xeeldheerayaasha ayaa rumeysan inuu Kulankaasi iska ahaa mid Laab-la-kac ah iyo Danno Siyaasadeed lahaa, waxayna Madaxda Maamul-gobaleedyadda isku muujiyeen Hoggaamiye-kooxeedyadda cusub ee Somalia.

Waxay si il-duufsi leh ugu tunteen Qaddiyadda Ummadda Soomaaliyeed, waxayna si cad u xaqireen Kaalinta DFS ee Talada Qaranka.

Kulanka Kismaayo ayaa u muuqda mid ay muhiimadiisu ahayd in Indhaha Bulshadda laga weeciyo Hadal-haynta Siyaasadda Hoggaamiyayaasha Goballadda  ee sheegtay inay taageersan yihiin Isbahaysiga  Imaaraadka iyo Sacuudiga.

 

Sama-jeclayaasha Bulshadda ayaa rumeysan inay Madaxda Jubbaland, Puntland, Hirshabeelle iyo K/galbeed ku turunturoodeen Masraxa Siyaasadda iyo inay iska lumiyeen Fursad ay DFS ugala doodi kari lahaayeen Mowqifka ay labada dhinac iska taageen Khilaafka Khaliijka.

War-murtiyeedka Madaxdaasi waxaa laga dareemi karaa inay socod-barad ku yihiin Qeexitaanka Axdi-qarameedka ee Awoodaha Hay’addaha Qaranka iyo kuwa Goballadda, waana ayaan-xumo inay Madaxdaasi s qaldan ku fasirteen Qoddobadda ay u cuskadeen War-murtiyeedka ay ka soo saareen Kismaayo.

Markaynu milicsano Qoddobka 16-aad ee War-murtiyeedkaasi waxay ku sheegeen inuu Goluhu dareen adag ka muujinayo qorshaha lagu yareynayo Tirada Ciiddanka AMISOM, waxayna ku baaqeen  in la kordhiyo Tiradooda.

Khubarada Sharciga iyo Milliteriga waxay amakaag ka muujiyeen Awoodaha Golaha Iskaashiga Maamul-gobaleedyadda ee ay ku gaari karaan Go’aano DFS oo keliya loo idmaday.

Sharci Caalami ahaan, DFS ayaa iska leh Awoodaha ay kaga hadli karto Hawlgalka AMISOM, balse aysan Madaxweyne- Gobaleedyadda lahayn awood ay ku laaci Karaan Figta Sare ee Awoodaha DFS loo idmaday.

Isha Ku Hay Allgalgaduud Media

allgalgaduud@gmail.com


Fikradaha Akhristayaasha (1)

  1. Maxamed nur says:

    Kuwaan weey kaliitaan weyna kasii xunyihiin hogaamiye kooxeedyadii waa dabadhilifyo ushaqeeya cadowga umada waxaana dhexdooda kamacaasha oo dalaalka ugu weeyn ah waa c.c.rashiid isagoo ok kuna kalsoon mooryaanta madaxweyne isku sheegayaasha iney udaran tahay dhuunta aanan quseeynin dad dal iyo diinba toona




ADVERTISMENT

LATEST NEWS

AKHRISO:- Maxay u baahan yihiin Shacab weynaha waqooyiga Galguduud?
- Feb 19, 2018
Shacabka Waqooyiga Galguduud waa dad ay ku badan tahay daacadnimada, kuna weyn tahay Soomaalinimada, ...
Madaxtooyada Dawladda Puntland ka tacsiyaysay Geerida marxuum Boqor Cumar Ismaaciil Sanwayne
- Feb 19, 2018
 
Golaha wasiirada soomaaliya oo shir ku yeelan doona caasimada dalka & arimaha looga hadli doono
- Feb 19, 2018
Golaha wasiiradda Xukuumadda Federaalka Soomaliya ayaa yeelanaya kulan aan caadi aheyn oo lagu wado ...
DHAGEYSO:- Jaaliyada Soomaaliyeed Ee Minnesota Oo qabtay kulan ay dhaqaale ugu taageerayeen Ciidamada Xooga dalka
- Feb 19, 2018
kulan dhaqaale loogu uruurinayay Ciidamada xooga dalka Soomaaliya ayaa lagu qabtay Magaalada Minneapolis, ee Gobolka ...
DHAGEYSO:-Ururka ONLF oo war lama filaan ah ka soo saaray wada hadalkii ay itoobiya kula galeen Kenya
- Feb 19, 2018
Magaalada Nairobi ee dalka Kenya waxaa ka dhacay wadahadalo u dhaxeeyay Masuuliyiin kala matalaya ...