AKHRISO:- Xildhibaan Faarax Cabdi Xasan “XALKA SOOMAALIYA WAA SOO DHAWAADAY”.

Xildhibaan Faarax Cabdi Xasan oo ka mid ah Xildhibaanada Baarlamaanka Federaalka Soomaaliya ayaa bartiisa Facebook-ga waxa uu shacabka Soomaaliyeed kula wadaagay qoraal kooban oo cinwaankiisu yahay XALKA SOOMAALIYA WAA SOO DHAWAADAY!.

Qoraalka Xildhibaan Cabdi Faarax Xasan ayaa waxa uu u qornaa sidatan soo socota.

Waxaa muhiim ah in maamul goboleedyada wajigoodii dhabta ahaa ee la abuuray ay bannaanka keeneen, si waliiba degdeg ah.

Hadda waa markii aan jawaab u heli laheyn su’aalaha la xiriira Federaaleynta Soomaaliya oo aad looga warwareegi jiray:

S1- Federaalnimada Soomaaliya ma go’aan dadkeennu leeyahay baa mise dano kale ayaa ku dhex jira?

-Goorma dadka Soomaaliyeed go’aansaday inay nidaam federal qaataan?

-Halkee dadkeennu ku go’aansaday?

S2-Yaa xaq u leh go’aan ka gaarista federaalnimada, ma dadka Soomaaliyeed mise khaadimiin shisheeye iyo ciddey u adeegaan?

S3-Noocee federal ayaa ku habboon Soomaaliya haddii aan laga maarmi karin?

-Ma kan hadda la dhex taagan yahay oo aan aragno hab dhaqankiisa?

-Ma decentralized governance oo awoodda adeegga bulshada loo daadejinyo gobolada iyo degmooyinka?

-ma Counts ama Gobollo waaweyn oo leh awoodo heer dhexe?

S4-Maxaa ku kallifaya dadka Soomaaliyeed federalka lagu khasbayo?

-ma kala duwanaanshe diineed ayaa jira?

-ma midab ayaa lagu kala duwan yahay?

-ma luuqad (Af) kala duwanaanshaa jira?.

-ma dhalasho kala duwanaanshaa jira?

S5-Dadka Soomaaliyeed ma mudan yihiin in siyaasado dowlado kale loogu adeegayo lagu khasbo iyadoo muwaadinka laga gacan dhowrayo go’aan ka gaarista masiirkiisa?

S6-Soo ma caddaan shaqada loo abuuray maamulada?

S7- Soo lama gaarin xiliigii dib loo eegi lahaa jidka qodxaha iyo lugooyada badan ee aan ku soconno?

Waxaan jawaab ka rabaa cid kasta oo igu dhaanta waxaan ka hadlay.

Guuleysta dadkeygow

W/Q: Xildhibaan Faarax Cabdi Xasan.

Isha Ku Hay Allgalgaduud Media

allgalgaduud@gmail.com


Fikradaha Akhristayaasha (1)

  1. Zak says:

    Federalismka hadda Somalia lagu shaabadeeyey waa mid naga ajnabi ah oo aan sal iyo farac toona ku lahayn diinteena iyo dhaqankaba. Federalismku wuxuu keensanayaa saddex arrimood oo Kala ah:-
    1 – In dadku ay leeyihiin sharciga (Democracy), laakiin waxaa diinteenu inoo sheegtay in sharciga Alle keligiis uu leeyahay oon cid kale la lahayn. Waxaa kale ee dimoqoraadigu leeyahay “dadka oo dhami waa siman yihiin; oo masalan caalimka muslimka ah ee ummadda diinta baraya, iyo gabadha jidhkeeda iibsaneysa ee dariiq a taagani waa siman yihiin, sidoo kale, addionka saalixa ah ee Mar kasta u taagan caabudaada Alle, iyo kan beeniyey Alle iyo rasuulkiisa, way siman yihiin. Waxaa kale ee dimoqoradiyadu leedahay, waa in la sameeyo doorashooyin iyo axzaab kuwaasoo keenaya in dadkii Kala tago oo noqdo kooxo iska soo horjeeda, ayna dhexdooda ka abuuranto is nacayb- laakiin diinteenu waxay inoo sheegtay in aanu wada qabsano xarigga alle (Diinta islaamka) oo aan aan kala tegin.
    2 – Xeerkii lagu dhaqi lahaa dadka iyo dalka
    (Dastuur), laakiin diinteenu waxay inoo sheegtay in diinta Alle inoogu soo dhiibey rasuulkeenii suubanaa ee Mohamed (csw) uu yahay xeerka Alle ugu talo galay in lagu dhaqo dunidan inta ka horreysa qiyaamaha.
    Su’sashu waxay tahay haddaba, maxaa nagu khasbay in kitaabkii Alle aanu ka tagno oo aanu u xukun doonanno kitaabkii (dastuurka) uu qoray midkii Alle beenshey. Maxaa nagu khasbay in halkii Alle ina faray in aan xarigiisa qabsano oo aanaan kala tegin, in aanu doorano federalism uu uu keenay midkii Alle beenshey, macnahiisuna yahay, kala qoqobid iyo kala qaybsan.
    Boogta soomalida ku taal oo bogsan weydey waa diintii Alle oo aanu kasii xuubsiibaneyno, soona dhoweysaney kii Alle iyo diintiisa beeniyey wuxuu sharci, xeer, iyo dhaqan uu lahaa. Ilaahow inoo dambi dhaaf oo ha inoo cation, xaqqana ina tus.
    Waxaan mahad iyo ammaan badan u soo jeedinayaa walaalkey xildhibaan Farax oo nagu baraarujiyey arrin aha aan ka hadllay, loona baahan yahay in qof kasta oo Somali ahi uu la socdo duufaanta nooga imaaneysa waddamada shidheeye, lagana feejignaado wixii diinteenna ka hor imaanaya oo aan waafaqsaneyn.




ADVERTISMENT

LATEST NEWS

AKHRISO:- Maxay u baahan yihiin Shacab weynaha waqooyiga Galguduud?
- Feb 19, 2018
Shacabka Waqooyiga Galguduud waa dad ay ku badan tahay daacadnimada, kuna weyn tahay Soomaalinimada, ...
Madaxtooyada Dawladda Puntland ka tacsiyaysay Geerida marxuum Boqor Cumar Ismaaciil Sanwayne
- Feb 19, 2018
 
Golaha wasiirada soomaaliya oo shir ku yeelan doona caasimada dalka & arimaha looga hadli doono
- Feb 19, 2018
Golaha wasiiradda Xukuumadda Federaalka Soomaliya ayaa yeelanaya kulan aan caadi aheyn oo lagu wado ...
DHAGEYSO:- Jaaliyada Soomaaliyeed Ee Minnesota Oo qabtay kulan ay dhaqaale ugu taageerayeen Ciidamada Xooga dalka
- Feb 19, 2018
kulan dhaqaale loogu uruurinayay Ciidamada xooga dalka Soomaaliya ayaa lagu qabtay Magaalada Minneapolis, ee Gobolka ...
DHAGEYSO:-Ururka ONLF oo war lama filaan ah ka soo saaray wada hadalkii ay itoobiya kula galeen Kenya
- Feb 19, 2018
Magaalada Nairobi ee dalka Kenya waxaa ka dhacay wadahadalo u dhaxeeyay Masuuliyiin kala matalaya ...