FAALLO:- Dawlada Soomaaliya oo ku guulaysatay Siyaasadeeda dhex dhexaadnimo ee xiisada Khaliijka…

Sida aan xogta ku hayno dawladaha Sacudiga iyo imaaraadka waa xulufo hadana kala socday mudadii ugu dan beysay, waxayna isku khilaafeen xiisada ka jirta dalka Yaman, kadib markii uu imaaraatka si cad u taageeray kooxo gooni u goosad ah oo doonaya inay kala gooyaan dalka Yaman ku waas oo xarun toodu tahay magaalada Cadan.

Wuxuu sidoo kale imaaraatku ka sameeyay Cadan ciidamo toos u hoos yimaada oo qal qal geliyay dawlada uu sida wayn utaageero Sacuudiga ee uu hogaamiyo Madaxweyne HAADI,  hadaba waxay keentay arintaas in Sacuudigu uu aamini waayo hab dhaqanka wiilasha reer ZAID ee xukunka dalka Imaaraatka ku tagri fala.

Khilaafka Sacuudiga iyo Imaaraatka wuxuu soo gaaray Soomaaliya, dhawaan ayay ahayd in Sacuudiga uu casuumaad gaar ah u fidiyay Madaxweyne FARMAAJO iyagoo waliba ku ixtiraamaya dhex dhexaadnimada dawlada Soomaaliya ee xiisada khaliijka, xili Imaaraatka ay dalkeeda ku shirinaysay siyaasiyiin Soomaali ah iyadoo siisay lacago yar si ay culays siyaasadeed u saaraan dawlada Soomaaliya si ay ubadasho mawqifkeeda dhex dhexaadnimada ah.

Imaaraatka waxaa ka muuqda in ay ka caroodeen hab dhaqanka iyo sida Sacuudiga u ixtiraamayo dawlada Soomaaliya, kadib markii la siiyay Xukuumadda Soomaaliya taageero dhaqaale iyo heshiisyo lagu hergelinayo mashaariic uu Sacuudiga ka hirgelinayo dalka.

RW Xasan Cali Kheyre ayaa umaha celiyay Sacuudiga, taageerada ay shacabka Soomaaliyeed siiyeen ee ahayd dhaqaale gaaraya 50 milayan doolar.

Siyaasada dalka ay ku hogaaminayaan Madaxweyne Farmaajo iyo RW Kheyre ayaa umuuqata mid horumar.

Leh oo soo cilinaysa sharafta iyo karaamada dawladnimo. Waxay sidoo kale muujisay Soomaaliya inay wali tahay dal go’aamadiisa umadaxbanaan.

Markii ay maqleen siyaasiyiintii Imaaraatka ku shirsanaa in dhaqaale ay heshay dawlada Soomaaliya waliba iyadoo dhex dhexaad ka ah arinta Khaliijka waxay garawsadeen in ay ukala dhuuntaan dawlada Soomaaliya si hogaamiye kasta maamul goboleed uu isu bad baadiyo, iyagoo Xukuumadda usoo dirsaday wafdiyo si ay uga laabtaan go’aankii imaaraatka ay ku taageereen.

Waxaa magaalada Muqdisho ku sugan Madaxweyne kuxigeenka Puntand CAMEY iyadoo Xildhibaano Federaalka ah oo kasoo jeeda KGS oo ergo u ah Shariif Xasan ay kulamo la leeyihiin RW Khayre iyagoo wada aragtida Shariif Xasan in ay is badashay oo uu wax walba uga danbeynaayo dawlada Soo maaliya.

Hadaba khilaafkii khaliijka ee dawladeena saamaynta ku yeeshay ayaa u muuqda inay ku adkaadeen Madaxweyne Farmaajo iyo RW Khayre balse Imaaraatka oo uu dalaal u ahaa Cumar C/rashiid ayaan la ogeyn talaabada xigta ay qaadi doonaan.

Waxaan uga digayaa madaxda Qaranka inay ka feejignaadaan jalaafooyinka ay mar walba maleegayaan cadawga umadda Soomaaliyeed.

Anaga hadaanu nahay Shacabka Soomaaliyeed waan garab taagan nahay Xukuumadeena.

#Nabad&Nolol

W/Q: Xasan Kaahiye

Isha Ku Hay Allgalgaduud Media

allgalgaduud@gmail.com


Fikradaha Akhristayaasha (0)




ADVERTISMENT

LATEST NEWS

AKHRISO:- Maxay u baahan yihiin Shacab weynaha waqooyiga Galguduud?
- Feb 19, 2018
Shacabka Waqooyiga Galguduud waa dad ay ku badan tahay daacadnimada, kuna weyn tahay Soomaalinimada, ...
Madaxtooyada Dawladda Puntland ka tacsiyaysay Geerida marxuum Boqor Cumar Ismaaciil Sanwayne
- Feb 19, 2018
 
Golaha wasiirada soomaaliya oo shir ku yeelan doona caasimada dalka & arimaha looga hadli doono
- Feb 19, 2018
Golaha wasiiradda Xukuumadda Federaalka Soomaliya ayaa yeelanaya kulan aan caadi aheyn oo lagu wado ...
DHAGEYSO:- Jaaliyada Soomaaliyeed Ee Minnesota Oo qabtay kulan ay dhaqaale ugu taageerayeen Ciidamada Xooga dalka
- Feb 19, 2018
kulan dhaqaale loogu uruurinayay Ciidamada xooga dalka Soomaaliya ayaa lagu qabtay Magaalada Minneapolis, ee Gobolka ...
DHAGEYSO:-Ururka ONLF oo war lama filaan ah ka soo saaray wada hadalkii ay itoobiya kula galeen Kenya
- Feb 19, 2018
Magaalada Nairobi ee dalka Kenya waxaa ka dhacay wadahadalo u dhaxeeyay Masuuliyiin kala matalaya ...