Guddiga Golaha Abwaanada ka socda ee Magaalada Gaalkacyo u jooga Xalinta Colaadda Gobolka Mudug ayaa Maanta la kulmay Qaar ka mid Dadkii ka Barakacay Colaadda Magaalada islamarkaana ku sugan Duleedyada Magaalada Gaalkacyo.
Guddoomiye Kuxigeenka Golaha Abwaanada Xirsi dhuux Maxamed Weheliye oo hadal u jeediyay Qoysaska Barakacayaasha ah ayaa sheegay in Qorshaha Golaha Abwaanada ee yimid Gaalkacyo uu ahaa in ay Habeen la Jiiftaan Dadka Barakacayaasha ah si ay ula qeyb sadaan waxa ay qabaan balse ay ka Cudur daaranayaan in aysan taasi dhicin Shaqooyin badan oo u yaalla awgood.
Sidoo kale Abwaanada Booqday dadka Barakacayaasha ah ayaa Gabay Duco ah halkaas ka tiriyay,kaas oo ay ugu duceeyeen in Colaadda uu Alle joojiyo islamarkaana ay Guryahoodii iyaga oo Nabad qaba ku noqdaan.
Hoos ka Daawo Sawirada:-