Sida ay ku warantay Wasaaradda Arrimaha Dibadda Itoobiya waxaa heshiis ay kala dhex dhigtay maamulada Puntland iyo Galmudug oo maalmihii la soo dhaafay ku dagaalamayay Magaalada Gaalkacyo ee xarunta Gobolka Mudug.
War lagu qoray Boga wasaarada arimaha dibada dowlada Itoobiya ayaa lagu sheegay in magaalada Gaalkacyo ay u qeybsantahay labo qeybood oo ah Koonfur iyo Waqooyiga magaalada Gaalkacyo , islamarkaana labadaasi dhinac ay kala maamulaan dowlad goboleedyada Galmudug iyo Puntland.
Dowladda Itoobiya heshiiska ay sheegtay in ay kala dhex dhigtay maamulada Puntland iyo Galmudug , waxaana ka mid ah in la joojiyo colaada ,islamarkaana labada maamul ay ka shaqeeyaan sidii nabad buuxda looga hirgalin lahaa magaalada Gaalkacyo.
Waxaa sidoo kale dowladda Itoobiya ayaa sheegtay in heshiis ay qeyb ka tahay in la hakiyo dhismaha Maxjarka Xoolaha ee Puntland ka hirgelineyso Galbeedka Magaalada Gaalkacyo iyo in uu dib u shaqa bilaabo garoonka diyaaradaha ee dowlad goboleedka Galmudug.
Dowladda Itoobiya ayaa sidoo kale maamulada Puntland iyo Galmudug ugu baaqday in ka qeyb qaataan Nabadeynta magaalada Gaalakcyo ,islamarkaana ay joojiyaan Hadalada colaada abuurikara ee ay warbaahinta isku marinaayaan.
Qodobadda heshiiska oo lagu qoray Bogga rasmiga ah ee Wasaaradda Arrimaha dibadda Itoobiya ayaa waxaa ka mida:-
- Xabad joojin labada dhinac dhex marta iyo inay ka dhowrsadaan tallaabo kasta oo keeni karta isku dhac.
- In la hakiyo dhismaha suuqa xoolaha ee Puntand la waday magaalada Gaalkacyo
- In Garoonka diyaaradaha Galmudug ee Gaalkacyo loo ogolaado inuu shaqeeyo.
- In la dhiso Guddi wasiiro isku dhaf ah oo shir ku yeesha magaalada Muqdisho iyadoo ay ka qeyb qaadanayaan madaxda Madasha Qaran.
Hoos ka Dhageyso Codka:-
