Kismaayo(AGGM) Falaagada Alshabaab ayaa xalay saqdii dhexe weerar culus oo ku soo qaaday Xaruntii Jeneraal Daauud ee ku taala duleedka Magaalada Kismaayo,waxaana dagaalkaasi ahaa dagaal aad u culus isla markaasna socday in ka badan 3 saacadood.
Xaruntan Akadeemiyadda Kismaayo waxaa lagu tababari jirey Maleeshiyaad ka tirsan kuwa Raaskambooni oo laga soo aruursay Kilinka 5-aad iyo Gaarisa,waxaana la sheegay in halkaasi ku sugnaayeen dhalinyaro aad u tiro badan oo degaanadaasi laga soo khalday.
Maleeshiyaadka Raaskambooni ee halkaasi ku sugnaa yaa la sheegayaa inay tiradoodu gaareysay 300 oo askari,waxaana la sheegay in falaagada Alshabaab weerar culus kaga soo qaadeen dhawr jiho,waxaana la aaminsan yahay in Alshabaabka weerarka soo qaaday ay ka badnayeen 500 oo askari si aad ahna u hubeysnaa.
Ma jirin Dhalinyaradda halkaasi lagu weeraray cid u gurmatay hadii ay ahaan lahayd ciidamada Kiiniya iyo kuwa kale ee ku sugan Madaxtooyada Maleeshiyaadka Raaskambooni,waxaana la sheegayey inay Maqlayeen madaafiicda iyo hurgunka rasaaskta lays waydaarsanayeyn.
Falaagada Alshabab ayaa la sheegayaa inay halkaasi ku dileen in ka badan 30 ka mid ah Maleeshiyaadka Raaskambooni iyagoo gacanta ku dhigay in ka badan 40 kale isla markaasna hore u kaxaystay,waxaana la shaaciyey inay jiraan Askar ay gawraaceen oo la soo gaarsiyey Madaxtooyadda Kismaayo kuwaasi oo tiradooda lagu sheegay 7 askari oo mindi ku gawraceen.
Falaagada Alshabab ayaa la shaaciyey in halkaasi ka baxeen isla markaasna ka qaateen saanad ciidan oo badan iyo gaadiid dagaal oo aan wali tiradooda la shaacin,waxaana la sheegayaa inay saaka horjoogayaasha Raaskambooni ay Madax gacanta ku hayaan iyadoo ay dhegahooda ka qaylinayso weerar ay shalay Alshabaab ka geysteen Degaanka Waldina ee dulleedka Hoosingow oo ku laayeen askar badan kuna afduubeen tiro kale iyagoo qaar badan gawracay.
Si kastey ahaataba Maleeshiyaadka Raaskambooni ayaa maqan maalmihii la soo dhaafay u ahaa xasuuqa iyo gawraca Alshabaab,waxaana la sheegayaa in Maleeshiyaadka Raaskambooni ee xalay dagaalkaasi ka soo firxday ay tarab tarab u soo galayaan gudaha Magaalada Kisamayo.
Isha Ku Hay Allgalgaduud
Allgalgaduud@gmail.com
