Kismaayo(AGGM) Falaagada Alshabaab ayaa la shaaciyey inay saacadihii la soo dhaafay dagaal culus kula wareegeen Saldhig Maleeshiyaadka Raaskambooni ku lahayeen Degaanka Waldiina ee Duleedka Hoosingow,waxaana la sheegaya in Falagaada Alshabaab halkaasi ku galeen dagaal ay dhawr jiho ka soo qaadeen.
Falaagada Alshabaab ayaaa la shaaciyey inay dileen ka in ka badan 12 askari,waxaana ay dhaawaceen tiro kale oo aan la carabaabin, sidoo kale waxaa la shaaciyey inay Alshabaab Saldhigii Maleeshiyaadka Raaskambooni la wareegeen isla markaasna gacant aku dhigeen gaadiid dagaal tiradooda lagu sheegay 4 gaari oo nooca dagaalka ah.
Sidoo kale waxaa la sheegaya inay dhawr maxaabiis ah gacanta ku dhigeen Falagaada Alshabaab,waxaanse la aqoon qaabka ay ula dhaqmi doonaan Maxaabista ay gacanta ku hayaan iyadoo Alshabab lagu yaqaan inay Gowracaan cid kasta oo ay gacanta ku dhigaan.
Gebagabadii waxaa la xaqiijiyey inay Alshabab wali gacanta ku hayaan Saldhigaasi isla markaasna ay jabsadeen Istooradii Hubka iyo saadku u yaaleen Maleeshiyaadka Raaskambooni,waxaana sidoo kale la sheegay in firxadkii Maleeshiyaadka Raaskambooni u soo huleeleen dhinaca Magaalada Kismaayo iyagoo wata Maleeshiyaad tiro badan oo dhaawac ah.
Isha Ku Hay Allgalgaduud
Allgalgaduud@gmail.com
