Kooxo bastoolado ku hubeysnaa ayaa Gobolka Gedo ku qaarijiyay Nabadoon Khamiis Daa’uud Cumar oo kamid ahaa Nabadoonada ugu caansan Gobolka.
Kooxda hubeysnaa ayaa gudaha u galay aqalka Nabadoonka waxa ayna sidaa ku dileen Nabadoonka oo kamid ahaa Odayaasha Deegaanka mana cadda waxa uu salka ku hayo dilka Nabadoonka.
Raggii dilka gaystay oo ka soo tallaabay xuduuda dhinaca Kenya, ayaa dilka ka dib waxay dib ugu laabteen goobtii ay ka yimaadeen, xilli aynaan jirin cid ku baxday raggaas, sidii loo soo qaban lahaa.
Dadka deegaanka ayaa sheegay in Nabadoonka uu ahaa mid caan ka ah Gobolka Gedo, waxa ayna tilmaamen in baryahaani uu ahaa mid ku mashquulsanaa xalinta beelo wada dega Gobolka.
Dilka Nabadoonka ayaa imaanaya xili maalmahaani ay Maleeshiyada Al-shabaab beegsaneysay Nabadoonada, iyadoona nabadoonkaani uu noqonaayo kii 6-aad tan iyo markii ay dhalatay bisha ramadaan.
