Wasaarada arimaha dibada dalka isku taga imaaraadka carabta ayaa marka hore cambaareeyay weerarkii shalay lagu qaaday Kolonyo gaadiid galbineysa safiirka imaaraadka carabta u fadhiya Soomaaliya kaasi oo weerarkaasi ka badbaaday.
Weerarka oo loo adeegsaday gaari walxaha qarxa laga soo buuxiyay,islamarkaana uu soo kaxeeyay ruux isa soo miidaamiyay ayaa lala eegtay gaadiid ay la socdeen Saraakiil tabarayaal oo ka socday Imaaradk carabta uu ku jiray danjiraha Imaaraadka Carabka Soomaaliya,inkastoo danjiraha uu ka badbaaday weerarkaasi.
Weerarkii shalay ayaa dhimasho iyo dhaawacyo waxay ka soo gaareen dad rayid ah iyo askar ka tirsan Dowlada Federaalka Soomaaliya,kuwaasi oo dhaawacyadooda la geeyay qaar ka mid ah goobaha caafimaadka eek u yaalo magaalada Muqdisho.
Warka wasaarada arimaha dibada ayaa lagu bogaadiyay badbaadista safiir Mohamed Al-Othman”waxaana weerarkaasi ay ku tilmaameen inuu ahaa mid fuleynimo kaasi oo horseedaya in la kordhiyo taageerada Imaaraadka carabta ay siineyso Soomaalia si amuurahano oo kale wax loogu qabto,sida warbixinta Wasaarada arimaha dibada Imaaradka Carabta lagu sheegay.
Marka kale,Imaaraadka carabta ayaa ku celisay inaysan joogitaankeeda Soomaaliya cabsi gelinayeen waxay ugu yeereen weerarada argagixisada,islamarkaana ay sii wadayaan taageerada Soomaaliya iyo howlaha iminka ay ka wadaan Soomaaliya.
Dhanka kale,weerarkii shalay ayaa waxaa cambaareeyay Baarlamaanka isku taga imaaraadka carabta iyo waliba xoghayaha Qaramada Midoobay u qaabilsan Soomaaliya.
