Dagaalyahanada Ururka Al Shabaab, ayaa gelinkii dambe ee shalay qabsaday gaari laga lee yahay dalka Kenya, xilli qaad baarixi ah uu ka qaaday Degmada Mandheera, unay wada Degmada Mooyaale Kenya.
Shabaabka, ayaa gaarigaasi u galay wado jaay ah oo ku taala deegaanka Lafey, oo qiyaastii 30km u jirta Degmada Mandheera ee Gobolka Waqooyi Bari Kenya.
Wararka laga helaayo xuduuda, ayaa sheegaaya in Shabaabku ay gaarigaasi kala soo tallaabeen xadka, iyagoona ula dhaqaaqay dhinaca Degmada Baardheere ee Gobolka Gedo.
Ciidanka Kenya ee xuduuda ku sugan oo dadaal ku bixiyay, sidii ay gacanta ugu soo dhigi lahaayen dagaal-yahanada leexsaday gaarigaasi, ayaan ku guuleysan inay dib u soo celiyan gaariga.
Ciidanka Kenya, ayaa la tilmaamaa inaanay inta badan soo celin gaadiidka ay dagaal-yahanada Al Shabaab ka soo qabsadaan gudaha dalkaasi.
