Gabiley (AGGM): Banaan bax rabshado wata ayaa maanta ku dhex maray magaalada Gabiley ciidamada Booliska magaaladaas iyo Arday gadoodsan kadib markii ciidamada Boolisku ay jeelka u taxaabeen macalin kamid ah macalimiinta wax ka dhigta dugsiga hoose dhexe ee Sheekh Muumin oo ku yaala gudaha magaalada Gabiley.
Banaan baxani oo sababay khasaarooyin kala duwan ayaa yimid markii ciidamada Boolisku ay xoog ku ka xaysteen macalinkani taas oo sababtay in ay ka cadhoodaan qaar kamid ah ardayda wax ka barata dugsigaasi, iyadoona ay halkaasi ka dhasheen rabshado dhex maray ciidamada Booliska magaalada Gabiley iyo ardayda.
Ciidamada Booliska ayaa rasaas ooda kaga qaaday ardaydani banaan baxaysay kadib markii weerar culus ku qaadeen gadiid ay wateen iyo xarumaha maamulka degmada Gabiley, waxaana ay ciidamadu xidh xidheen arday aad u tira badan.
Sudlaan Ibraahim Jaamac Samatar oo kamid ah odayaasha dhaqanka degmada Gabiley oo la hadlay allgalgaduud.com ayaa sheegay in ay kala dhex geleen ciidamada Booliska iyo ardaydani banaan baxaysay isla markaasna ay iminka ku raad joogaan sidii xal waara looga gaadhi lahaa arintani si aysan mar dambe u dhicin.
Isha Ku Hay Allgalgaduud Media
allgalgaduud@gmail.com
